وأثناء تواجده بالمؤتمر العالمي للشباب بمدينة شرم الشيخ، أعرب الرئيس السيسي عن ألمه وحزنه بسب هذا الحادث الإرهابي، كما طالب الحضور بالوقوف دقيقة حدادًا على أرواح الشهداء، وقال سيادته إن الإرهاب ينتهك ويحطم الإنسانية، وأن مقاومته حق، والتصدي له حق من حقوق الإنسان، وشدّد على ضرورة وضع حق مقاومة الإرهاب من ضمن حقوق الإنسان المتعارف عليها. وقد صرّح سيادته: «يعنى الحادثة اللي حصلت أول امبارح، اللي هي الاعتداء على أشقائنا ومواطنينا المصريين، وبافضل أقول للناس اللى موجوده هنا: احنا في مصر مبنقولش دلوقتي، لا نميز بالدين، مبنقولش ده مسلم وده مسيحي.. احنا بنقول دلوقتي هو مصري، ولما يسقط المصري أيًا ما كان هو مين، يؤلمنا ويؤلم كل المصريين. خلّي بالكم من النقطه دي: لما يسقط المصري لحادث إرهابي يؤلمنا ويؤلم كل المصريين. وأنا مستعد أخليكم تتجهوا للرأي العام في الشارع المصري وتسألوه على رد فعلهم على أي واقعه تستهدف أشقاءنا ومواطنينا من المسيحيين، قد إيه يؤلمهم ده زيي بالضبط. لما يُستهدَف مسجد أو كنيسة، رد الفعل والتأثير واحد على الاتنين...»